Trena E3 (azaroak 23): zerbitzu berezia ‘Udazkena Martxan’ jaialdia dela eta
Euskotrenek gaueko trenen zerbitzua indartuko du azaroaren 23an, larunbata, Derion ospatuko den "Udazkena Martxan" jaialdirako garraio publikoaren aukerak errazteko.
Kontzertuengatik (Nogen + ETS) aurreikusten den eskariaren igoerari erantzuteko, azaroaren 23tik 24rako gauean tren bereziak eskainiko dira Deriotik eta Deriora (larunbat gauetako ohiko zerbitzuaren osagarri gisa, E3 Lezama – Kukullaga/Etxebarri – Lezama linean).
Euskotrenek ordutegiak aldez aurretik kontsultatzeko gomendatzen die trenez joango diren pertsonei, bai APP ofizialean, bai www.euskotren.eus webguneko bilatzailean. Erabiltzaileek informazio gehiago jaso dezakete Euskotreneko langileek zerbitzatzen dituzten geltokietan eta 944 333 333 telefono zenbakian.