(Bilboko tranbia / Metroa 3.linea): Zerbitzu aldaketa Aste Santua eta Athletic-Rangers partida direla eta.
Eusko Jaurlaritzako Mugikortasun Iraunkorreko Sailaren barruan dagoen Euskotren Sozietate Publikoak Bilbon tranbiaren eta metroaren 3. linearen zerbitzua aldatuko du, Aste Santua eta Athletic-Rangers partida direla eta (apirilaren 17an, osteguna).
BILBOKO TRANBIA
Aste Santuko prozesioak eta 17an San Mamesen jokatuko den Europa Leagueko partida direla eta, Euskotrenen Bilboko tranbia zerbitzua aldatuko da apirilaren 17an (osteguna) eta 18an (ostirala).
Ostegunean, hilak 17, Afari Santuaren prozesioa dela eta, zirkulazioa eten egingo da, 19:45etik 21:45era, gutxi gorabehera, Arriaga eta Pio Baroja geralekuen artean.
Bestalde, Athletic-Rangers partida San Mamesen hasiko da, 21:00etan, eta tranbia zerbitzua bi aldiz etengo da, San Mames inguruan jende ugari espero baita:
• 18:00etatik 21:00etara, Pio Baroja eta La Casilla geralekuen artean.
• Partida amaitu ondoren, bertaratzen diren pertsonen hustuketan segurtasuna bermatzeko, La Casilla eta Euskalduna arteko tranbiaren zerbitzua partzialki etengo da, 20/30 minutukoa gutxi gorabehera. Etete hori Bilboko Udalak koordinatutako Udaleko Larrialdi Planean sartuta dago.
Ostiralean, hilak 18, tranbia-zerbitzua eten egingo da Arriaga – Pio Baroja tartean, 19:30etik 21:30era, gutxi gorabehera, Ehorzketa Santuaren prozesioa dela eta.
L3 METROA
Aste Santuan, apirilaren 17tik 21era, Euskotrenek kudeatzen duen Bilboko metroaren 3. linearen zerbitzua aldatuko da. Linea horrek Zazpikaleak/Casco Viejo geltokian Metro Bilbaoren 1. eta 2. lineekin korrespondentzia-puntu bat du.
Aste Santuko 3. linearen zerbitzuaren datu nagusiak honako hauek izango dira:
• Apirilaren 16ko azken irteerak: 23:02an (Matikotik Kukullaga/Etxebarriraino); 23:14an (Kukullaga/Etxebarritik Matikoraino); eta 23:17an. (Matikotik Zazpikaleetaraino).
• Gauak 17tik 18ra (Ahtletic-Rangers partidaren ospakizun-eguna San Mamesen) eta apirilaren 18tik 19ra: gaueko zerbitzuak 15 minuturo egongo dira, bi noranzkoetan goizaldeko ordu biak igaro arte. Zehazki, gaueko zerbitzua 23:17tik 2:15era izango da Matikotik Kukullaga/Etxebarrira eta 23:38tik 2:08ra Kukullaga/Etxebarritik Matikora.
• Apirilaren 19tik 20rako gaua: larunbatetako ohiko zerbitzua, gau osoan zirkulazioarekin.
• Apirilaren 20ko azken irteerak: 23:02an Matikotik Kukullaga/Etxebarriraino; eta 23:17an Kukullaga/Etxebarritik Matikoraino.
Erabiltzaileek 944 333333 informazio-telefonoa, www.euskotren.eus web-orria eta Euskotrenen APP ofiziala dituzte eskura.