Euskotrenek larunbatean, irailaren 13an, Bilboko tranbiaren zerbitzua indartuko du Athletic – Alavés partidua dela eta

Larunbatean, irailaren 13an, Euskotrenek Bilboko tranbiaren zerbitzu berezia eskainiko du Athletic Club-Deportivo Alavés partidua dela eta. Partidu hori San Mamesen arratsaldeko 18:30etik aurrera jokatuko da.

San Mameserako joan-etorria errazteko helburuarekin, tranbia ohiko ordutegian ibiliko da, Pio Barojatik Ospitalera doan errefortzu-zerbitzuarekin, eta irteera 17:30ean izango da. 
 
Partidaren aurretik eta ondoren, San Mames inguruan segurtasuna bermatzeko, La Casilla eta Euskalduna artean zerbitzuaren mozketa partzialak egingo dira, 20/30 minutukoak gutxi gorabehera. Mozketa horiek Bilboko Udalak koordinatutako Udaleko Larrialdi Planean sartuta daude.

San Mamesetik gertu dauden geralekuetan jendetzarik ez pilatzeko, Euskotrenek Euskalduna geralekura joatea gomendatzen du, tranbiaz itzultzeko joan-etorriak hasteko. Halaber, Barik ordainketa-sistema gisa erabiltzea gomendatzen da, tranbiara sartzeko prozedura errazteko. 

Erabiltzaileek 944 333333 informazio-telefonoa, www.euskotren.eus web-orria eta Euskotrenen APP ofiziala dituzte eskura.