Euskotrenek igandean, otsailaren 1ean, Bilboko tranbiaren eta metroaren 3. linearen zerbitzua indartuko du Athletic – Real Sociedad partida dela eta

Igandean, otsailaren 1ean, Euskotrenek Bilbon tranbiaren eta metroaren 3. linearen zerbitzua indartuko du, Athletic Club – Real Sociedad futbol partida dela eta. Partida San Mamesen 21:00etatik aurrerako jokatuko da.

BILBOKO TRANBIA
Bilboko tranbian, Euskotrenek ohiko zerbitzua indartuko du. Partidaren aurretik eta ondoren, San Mames inguruan segurtasuna bermatzeko, zerbitzuaren zati bat moztuko da La Casilla eta Euskalduna artean. 

Partida hasi aurretik, etetea 20:20an hasiko da, eta 21:00etan amaituko da. Partidaren ondoren, La Casillaren eta Euskaldunaren arteko etena 22:45etik 23:10era egingo da. Mozketa horiek Bilboko Udalak koordinatutako Udaleko Larrialdi Planean sartuta daude.

San Mames inguruko geralekuetan jendetzarik ez pilatzeko, Euskotrenek Euskaldunako geralekura joatea gomendatzen du, itzulerako joan-etorriak tranbian egiteko. Gomendatzen da, halaber, Barik erabiltzea ordainketa sistema gisa, ontziratze prozedura errazteko.

L3 METROA
Partida amaitu ondorengo itzulerako joan-etorrietarako, lanegunetako ohiko ordutegia luzatuko da Metro L3 eremuan (Matiko/Bilbo – Kukullaga/Etxebarri), eta Metro Bilbaok 1. eta 2. lineetan ezarritako zerbitzua osatuko da, Zazpikaleak geltokian dagoen loturari esker.

Erabiltzaileek 944 333333 informazio-telefonoa,www.euskotren.eus web-orria eta Euskotrenen APP ofiziala dituzte eskura.