Euskotrenek datorren larunbatean gaueko trenen zerbitzua indartuko du Berrizko jaiak direla eta

Euskotrenek, Eusko Jaurlaritzako Mugikortasun Iraunkorreko sailaren mendeko sozietate publikoak, ekainaren 27tik 28rako gauean gaueko trenen zerbitzua indartuko du, Durango – Elgoibar tartean, Berrizko jaiek sortzen dituzten joan-etorriak errazteko. 

Indartze horrek Euskotrenen Bizkaiko eta Debabarreneko trenbideetako larunbat gauetako zerbitzu erregularra osatuko du.

Euskotrenek trenez bidaiatuko duten pertsonei APP ofizialean zein www.euskotren.eus orrialdeko bilatzailean ordutegiak aldez aurretik kontsultatzeko gomendatzen die. Euskotreneko langileek zerbitzatzen dituzten geltokietan ere jaso daiteke informazioa, baita 944 333 333 telefono zenbakian ere.