Euskotrenek larunbatean, hilak 25, gaueko zerbitzua eskainiko du Irungo San Martzial jaiak direla eta

Irungo San Martzial jaiak direla eta, Euskotrenek hilaren 25eko gauean gaueko tren zerbitzu berezia eskainiko du Lasarteko Oria-Hendaia artean. Honek, ohiko eskaintza osatuko du. Lasarte-Hendaia arteko larunbat gauetako zerbitzua, orduro, tren bereziekin indartuko da gau osoan zehar (larunbatetik igandera).